Вера Бахаи в Беларуси

ВЕРА БАХАI НА БЕЛАРУСI

The Baha'i Faith in Belarus     

 

Пераклад малiтваў

Благаславёны кут, і дом, і месца, і горад, і сэрца, і гара, і прытулак, і пячора, і даліна, і зямля, і мора, і востраў, і луг, дзе Бога ўпамянулі і ўславілі Яго.

— Бахаула

Духоўныя якасці

Ствары ўва мне чыстае сэрца, о мой Божа, і сумленне спакойнае ўва мне аднаві, о Надзея мая! Духам сілы сцвердзі мяне ў Справе Тваёй, о Найлюбасны мой, і святлом славы Тваёй адкрый мне Твой шлях, о Ты, Мэта імкнення майго! Сілаю Тваёй бязмежнай моцы ўзнясі мяне да нябёсаў святасці Тваёй, о Выток майго быцця, і павевамі вечнасці Тваёй узрадуй мяне, о Ты, Хто ёсць мой Бог! Хай навеюць мне спакой несціханыя напевы Твае, о мой Спадарожнік; хай скарбы Твайго спрадвечнага аблічча вызваляць мяне ад усяго, акрамя Цябе, о мой Гаспадар, і хай весткі аб адкрыцці нятленнай Сутнасці Тваёй прынясуць мне радасць, О Ты, Хто ёсць з яўных найяўнейшы, найпатаемнейшы з патаемных!.

— Бахаула

Аб дапамозе

О Ты, Чыім тварам я захапляюся, Чыя прыгажосць — святыня мая, Чый прыстанак — мэта мая, Чыя хвала — мая надзея, Чыё наканаванне — мой спадарожнік, любоў Чыя — прычына быцця майго, упамінанне Чыё — маё суцяшэнне, блізкасць Чыя — мая прага, прысутнасць Чыя — найдаражэйшае жаданне і найвышэйшае імкненне маё; я малю Цябе,— не адмаўляй мне ў тым, што вызначыў Ты для выбраннікаў сярод слуг Тваіх. Надзялі мяне дабром гэтага свету і будучага. Ты, сапраўды, Цар усіх людзей. Няма іншага Бага, акрамя Цябе, Таго, Хто заўсёды выбачае, Найшчодрага.

— Бахаула

Аб вылячэнні

Імя Тваё — маё вылячэнне, о мой Божа, і ўспамін пра Цябе — маё лякарства. Блізкасць да Цябе — надзея мая, а любоў да Цябе — мая спадарожніца. Твая міласэрнасць да мяне — маё вылячэнне і дапамога як у гэтым свеце, так і ў свеце наступным. Ты, сапраўды, Найшчодры, Той, Хто ўсё ведае, Усямудры.

— Бахаула

За дзяцей і моладзь

О Ты, Госпадзі добры! Гэтыя чароўныя дзеці — тварэнне рук Тваёй магутнасці і дзівосныя знакі Тваёй Велічы. О Божа! Абарані дзяцей гэтых, літасціва дапамажы іх адукацыі і дай ім паслужыць свету людзей. О Божа! Дзеці гэтыя — перлы, хай будуць яны выпешчаныя ў жамчужніцы Твайго пяшчотнага клопату.

Ты Шчодры, Усялюбячы.

— Абдул-Баха

 

 

Наш тэлефон: 017-2104822