Маюцца дзве абавязковыя рэчы, каб стаць бахаі: вера ў Бахаулу і запіс у суполку бахаі.

Першае носіць асабісты характар, другое – адміністрацыйны.

Бахаі – гэта паслядоўнік Бахаулы, Прарока, які заснаваў Веру Бахаі. Чалавек становіцца бахаі, калі ён верыць, што Бахаула – гэта Пасланец Божы для нашай эпохі. Пасля таго, як чалавек прымае Бахаулу ў якасці крыніцы настаўлення ў сваім жыцці, наступным шагам будзе ўваходжанне ў суполку бахаі. Гэта робіцца шляхам запаўнення і падпісання дэкларацыйнай карткі. Падпісваючы дэкларатыўную картку, чалавек абвяшчае аб сваёй веры ў Бахаулу і заяўляе аб сваёй гатоўнасці падпарадкоўвацца Яго законам і Яго адміністрацыйным інстытутам. Не існуе ніякіх абмежаванняў, уступных ўнёсак ці цырымоніяў, якія звязаныя з прыёмам чалавека ў суполку.

Калі Вы адчуваеце ў сабе жаданне стаць бахаі, але не валодаеце дастаткова ведамі аб гэтым веравызнанні, Вы можаце знайсці шмат падрабязнай інфармацыі на гэтым ці іншых сайтах. Вы таксама можаце заказаць кнігі па пошце альбо наведаць мерапрыемствы, якія мы праводзім. У раздзеле “Кантакт” Вы можаце выбраць тое мерапрыемства, якое Вас цікавіць, і паведаміць нас аб сваім жаданні прыняць удзел.

Калі Вы адчуваеце сваім сэрцам, што Вы бахаі, звяжыцесь з нашым Нацыянальным офісам бахаі, каб мы маглі паведаміць пра Вас у найбліжэйшую да Вас суполку бахаі, дзе Вам дапамогуць адміністратыўна аформіць Вашае ўваходжанне.