Вера Бахаи в Беларуси

ВЕРА БАХАI НА БЕЛАРУСI

The Baha'i Faith in Belarus     

 

Падрабязней аб Веры Бахаі

Вера Бахаі – самастойная сусветная рэлігія. Яна зарадзілася ў сярэдзіне XIX стагоддзя ў Персіі (цяпер Іран). Заснавальнік Веры Бахаі – Бахаула (“Слава Божая”) – апошні па часу з Божых Пасланцоў, такіх як Маісей, Крышна, Зараастр, Будда, Хрыстос, Мухамад і іншыя.

 

Бахаула адкрыў людзям боскае вучэнне, прызначанае для вырашэння праблем, якія паўстаюць перад чалавецтвам у нашу гістарычную эпоху.

 

 Асноўныя прынцыпы веравучэння Бахаулы:

• Бог адзіны для ўсяго чалавецтва.
• Усе Богам адкрытыя рэлігіі адзіныя ў сваёй аснове.
• Чалавецтва адзінае ў сваёй разнастайнасці.
• Любыя прымхі, якія раз’ядноўваюць людзей – расавыя, нацыянальныя, класавыя, палітычныя ці рэлігійныя, павінны кануць у былое.
• Мужчыны і жанчыны павінны мець роўныя правы і магчымасці.
• Рэлігія павінна знаходзіцца ў гармоніі з розумам і навукай.
• Рэлігія павінна быць крыніцай любові і сяброўства.
• Кожны чалавек здольны і абавязаны самастойна шукаць ісціну.
• Сацыяльныя і эканамічныя праблемы могуць быць вырашаныя толькі з улікам духоўных прынцыпаў.
• Чалавецтву патрэбна міжнародная дапаможная мова.
• Неабходна стварыць сусветную федэрацыю народаў з мэтай дасягнення агульнага міру і згоды на планеце.

 Паслядоўнікі Веры Бахаі накіроўваюць свае намаганні на стварэнне сусветнай цывілізацыі, у якой гэтыя прынцыпы ўвасобяцца на практыцы. Яе рэльна дзеючая мадэль – Міжнародная суполка бахаі.