Чым займаюцца бахаі на Беларусі? - Распаўсюджванне вучэння - Афiцыйны сайт суполкi бахаi на Беларусi

ВЕРА БАХАI НА БЕЛАРУСI

Распаўсюджванне вучэння

«Будзь нястрымны як вецер, калi нясеш Пасланне Таго, Хто выклiкаў Свiтанне Боскага Кiраўнiцтва. Мяркуй, як вецер, верны таму, што Бог прадпiсаў, дзьме над усiмi краямi зямлi, будзь яны населеныя альбо закiнутыя... Належыць яму спынiць ягоны пiльны позiрк на асновах Ягонай Веры, i руплiва працаваць дзеля яе распаўсюджвання. Цалкам дзеля Бога яму трэба абвяшчаць Ягонае Пасланне, i з тым жа духам прымаць усялякi водгук, якi ягоныя словы могуць абудзiць у тым, хто яго слухае».

З Пісанняў Бахаулы

У бахаі няма святароў, і таму распаўсюджваннем вучэння займаюцца самі чальцы суполкі. Часцей за ўсё вучэнне распаўсюджваецца праз індывідуальную ініцыятыву: бахаі запрашаюць да сябе на сустрэчы сяброў, знаёмых, – усіх, каму цікава даведацца аб новай рэлігіі, якая з’явіліся на Беларусі.

Час ад часу дзейнасць можа набываць арганізваную форму, напрыклад, калі ў той ці іншай мясцовасці праводзіцца публічная прэзентацыя, канцэрт ці выстава. У такім выпадку мерапрыемству папярэднічае вялікая падрыхтоўчая дзейнасць: атрымліваецца дазвол мясцовых уладаў, рыхтуецца праграма, размяшчаецца рэклама.

На рускай мове маецца ўжо вялікая колькасць літаратуры аб розных аспектах Веры Бахаі, і таму зацікаўленыя могуць самастойна знаёміцца з гэтым вучэннем. Кнігі можна набыць ці ўзяць на абанемент у мясцовых суполках.

Той, хто жадае атрымаць больш глыбокія веды пра Веру Бахаі, яе філасофію, законы і прынцыпы, можа запісацца на курсы Вучэбнага цэнтра.