Мінская суполка бахаі

Сёння мы назіраем унікальны перыяд гісторыі. Бескарыслівае служэнне грамадству дае магчымасць як для асабістага росту, так і для ўмацавання здольнасці рабіць унёсак у сацыяльны прагрэс.

У гэтым годзе бахаі па ўсім свеце святкуюць 200-годдзе Святога Нараджэння Двайнога Багаяўлення: Прарокаў Баба і Бахаулы

22 кастрычніка 2017 года споўнілася роўна 200 гадоў з дня нараджэння Бахаулы, чыё імя азначае “Слава Госпада”.

Бахаула, Прарок-заснавальнік Веры Бахаі, нарадзіўся ў 1817 годзе ў Тэгеране, сталіцы Персіі таго часу. Больш за 5 мільёнаў бахаі на зямным шары адзначылі ў перадапошнія выходныя кастрычніка 200-годдзе Нараджэння Бахаулы. Святкаванне распаўсюдзілася больш чым на 100 000 населеных пунктаў па ўсім свеце. Святочныя мерапрыемствы былі адкрытыя для людзей любых перакананняў, канфесіянальнай і нацыянальнай прыналежнасці.

У Мінску святочны канцэрт, прымеркаваны да гэтай падзеі, адбыўся ў суботу, 21 кастрычніка, у памяшканні Прэс-клуба. Больш за 80 чалавек сабралося ў багата аздобленнай ружамі залі, каб адсвяткаваць гэтую памятную дату.

Праграма святочнай вечарыны ўключала: 

  • чытанне зварота Сусветнага Дома Справядлівасці да ўсіх, хто сабраўся шанаваць Нараджэнне Бахауллы;
  • новы фільм "Святло для света" пра Прарока Бахаулу;
  • свабодыя размовы, калі можна было азнаёміцца з друкаванай прадукцыяй бахаі і пачаставацца прысмакамі;
  • прафесійныя мастацкія нумары бахаі Беларусі;
  • аматарскае вакальнае выступленне дзяцей-бахаі.

У Віцебску, Гомелі і Жодзіна бахаі таксама сабраліся разам, каб урачыста адсвяткаваць юбілей Заснавальніка Веры.

Бахаула разглядаў рэлігію як крыніцу ўсеагульнага дабрабыту і прадказаў ключавую ролю адзінства ў пераўтварэнні грамадства. “Задума рэлігіі, – пісаў Бахаула, – складаецца ў тым, каб вызваліць дзяцей чалавечых ад цемры невуцтва і вывесці іх да святла сапраўднага разумення".

Ва ўсёй разнастайнасці Святых Пісанняў, што засталіся пасля яго, выразна прасочваецца галоўны матыў: па меры аб'яднання чалавецтва цывілізацыя будзе рухацца ў напрамку міру, справядлівасці і росквіту.

Дзейнасць суполкі

У мінскай суполцы бахаі праходзяць сустрэчы для тых, хто цікавіцца верывызнаннем бахаі, курсы па вывучэнню асноў Веры Бахаі, дзіцячыя класы, сустрэчы па сумеснаму чытанню малітваў, адзначаюцца Святыя Дні. Гэтыя мерапрыемствы адкрытыя для ўсіх жыхароў горада. Таксама чальцы суполкі збіраюцца разам на Святах Дзевятнаццатага Дню.


На працягу некалькіх гадоў дзейнічаў клуб аматараў англійскай мовы, дзе ў радаснай і сяброўскай атмасферы адбываўся абмен меркаваннямі па спецыяльна абраным і падрыхтаваным тэмам. Веды аб умацаванні асноў сямейнага жыцця з духоўных пазіцый даюць семінары у рамках праекту “Мой дом”.

С цягам часу і па меры свайго развіцця, суполка прапануе грамадству сацыяльныя праекты, у якіх удзельнічаюць вернікі суполкі і ўсе зацікаўленыя.

Як прыняць удзел:
Для атрымання больш падрабязнай інфармацыі патэлефануйце, калі ласка, надвячоркам ў офіс мінскай суполкі бахаі па тэл. (25) 544 40 30 і паведаміце аб сваім жаданні прыняць удзел у тым ці іншым мерапрыемстве.

У мінскім Цэнтры бахаі праходзяць:

  • Вечарына, прысвечаная Дню Запавета. 25 лістапада (сб) у 18:30.
    • Адрас: прасп. Дзяржынскага, 131, 1-ы паверх.
  • Вечарына, прысвечаная памяці Абдул-Баха. 27 лістапада (пнд) у 19:00.
    • Адрас: прасп. Дзяржынскага, 131, 1-ы паверх.
  • Музычна-духоўныя вечарыны – па нядзелях, у 18:00.
    • Каардынатар – Сяргей (025) 544-40-30.
Белорусский рейтинг MyMinsk.com